Քրքումի օգտագործման տարբերակներ. realnews.am

Քրքումը հնդկական և չինական բժշկության անփոխարինելի մասնիկն է: Այս բուժիչ բույսն օգնում է ազատվել մի շարք հիվանդություններից, այդ թվում նաև օգնում է պայքարել Ալցհայմերի հիվանդության և քաղցկեղի դեմ: Բացի դա, քրքումը կանխարգելիչ միջոց է թոքերի, լյարդի և աղիների հիվանդության դեմ:

Քրքումի դեղին արմատներն ընդունելը ո՛չ միայն օգտակար է, այլ նաև շատ համեղ է: Blog.1in.am-ը ներկայացնում է երկու բաղադրատոմս:

Քրքումով կաթ

Տաք կաթ և մեղր՝ տիպիկ դեղամիջոց մրսածության դեմ: Սակայն առավել արդյունավետ է քրքումով կաթը, որն այդքան էլ հայտնի չէ մեր մայր ցամաքի եվրոպական հատվածում: Հնդկաստանում դա ավանդական ըմպելիք է համարվում: Այն ջերմացնում է մարմինը ներսից՝ օգնելով ազատվել մրսածությունից:

Բաղադրիչներ.

քրքումի աղացած արմատներ. 1 թեյի գդալ,
կաթ. 200 մլ,
շաքարավազ և դարչին` ըստ ճաշակի

Պատրաստման եղանակը

Տաքացրեք կաթը, սակայն մի հասցրեք եռման աստիճանի: Վերցնելով կրակից՝ ավելացրեք մեկ թեյի գդալ քրքում: Խառնեք՝ մինչև դեղին փոշին ամբողջությամբ լուծվի կաթի մեջ: Վերջում ավելացրեք շաքարավազ և դարչին` ըստ ճաշակի:

Կիտրոնով և քրքումով ըմպելիք

Այս վիտամիններով լի կոկտեյլը՝ կիտրոնով և քրքումով, կամրացնի դիմադրողականությունը և կօգնի ձեմեռն անցկացնել առանց մրսածության: Ի դեպ, երեխաներին այն նույնպես հաճելի է: Առավել արդյունավետության համար ըմպելիքի մեջ նաև կոճապղպեղ են ավելացնում, որն օգնում է ազատվել սրտխառնոցից և գլխացավից:

Բաղադրիչներ.

թարմ քամած կիտրոնի հյութ,

կես կամ մեկ քարորդ թեյի գդալ քրքում (ըստ ճաշակի),
կոճապղպեղ՝ ըստ ճաշակի:

Պատրաստման եղանակը

Մաքրեք կոճապղպեղը և դրեք բաժակի մեջ: Վրան եռման ջուր ավելացրեք, մոտավորապես ¾ չափաբաժնով: Թողեք ջուրը սառչի: Շատ տաք ջրի մեջ կիտրոնի օգտակար հատկությունները վերանում են: Սառչելուց հետո ըմպելիքի մեջ ավելացրեք կիտրոնի հյութը և քրքումի փոշին: Լավ խառնեք: Ցանկության դեպքում կարելի է նաև շաքարավազ ավելացնել:

Հարցեր, պատասխաններ, մեկնաբանություններ